प्रगल्भनायक न्यूज नेटवर्क
आटपाडी
आटपाडी तालुक्यातील शेटफळे येथे घरफोडी करून मनीमंगळसूत्र ,भिंगेवाडी येथे घरासमोरील मोटार सायकल व मिटकी येथील पाच एचपीची इलेक्ट्रिक मोटर अज्ञात चोरट्यांनी चोरून नेल्याच्या घटना घडली आहे.
मिटकी येथील भगवान आबाजी वाघमोडे यांची २५०० रुपये किंमतीची कोईमतुर कंपनीची पाच एचपी ची इलेक्ट्रिक मोटर अज्ञात चोरट्याने चोरून नेली असल्याची फिर्याद भगवान वाघमोडे यांनी आटपाडी पोलीस ठाण्यामध्ये दिली आहे.
भिंगेवाडी येथील अमोल जयसिंग घमे यांची त्याच्या चुलत्यांच्या नावे असलेली २० हजार रुपये किंमतीची काळ्या व करड्या रंगाची हिरो स्प्लेंडर प्लस कंपनीची मोटार सायकल अज्ञात घरासमोरुन अज्ञात चोरट्याने चोरून नेली असल्याची फिर्याद अमोल गमे यांनी दिली आहे.
शेटफळे येथील सचिन नानासो गायकवाड यांचे पत्नीचे ६० हजार रुपये किमतीचे २० ग्रॅम वजनाचे काळे मणी असलेले सोन्याचे मणीमंगळसूत्र अज्ञात चोरट्याने घरफोडी चोरी करून नेले असल्याबाबतची फिर्याद सचिन गायकवाड यांनी आटपाडी पोलीस ठाण्यामध्ये दिली आहे.
