प्रगल्भनायक न्यूज नेटवर्क
आटपाडी
आटपाडी येथील मिटकी या गावाचे सुपुत्र स्वप्नील मोहन वाघमोडे यांची महाराष्ट्र लोकसेवा आयोगाच्या परीक्षेमधून जलसंपदा विभागामध्ये सहाय्यक अभियंता पदी निवड झाल्याबद्दल त्यांचा मिटकी व खरसुंडी येथे नागरी सत्कार आयोजित करण्यात आला.
कार्यक्रमास विटा येथे कार्यरत असणारे य.पा.वाडी गावचे सुपुत्र तालुका कृषी अधिकारी विवेक तानाजी चव्हाण, जिल्हा आदर्श शिक्षक पुरस्कार प्राप्त प्राथमिक शिक्षक हैबतराव पावणे, दै.प्रगल्भनायकचे संपादक लक्ष्मणराव खटके, सेवानिवृत्त मेजर बापूसाहेब सोन्नूर, अॅड. सचिन सातपुते,ज्येष्ठ नागरिक संघटनेचे सल्लागार अरविंद चांडवले, सेवानिवृत्त सहाय्यक पोलीस निरीक्षक मोहन वाघमोडे, सौ.माया वाघमोडेे, पंचायत समितीचे माजी सदस्य हणमंतराव पडळकर, सांगली जिल्हा प्राथमिक शिक्षक बँकेचे माजी चेअरमन कोळपे गुरुजी,उपसरपंच दुर्योधन कोळपे, चंद्रकांत कोळपे, बाबा कोळपे, पत्रकार अंकुश मुढे आदी मान्यवर उपस्थित होते.
यावेळी कृषी अधिकारी विवेक चव्हाण, ऐश्वर्या मोहन बंडगर, बळीराजा फाउंडेशनचे अध्यक्ष भाई शिवराम मासाळ, माजी सरपंच मोहन पडळकर,आकाराम कोळपे, राष्ट्रवादी काँग्रेस पार्टीचे ओबीसी सेलचे अध्यक्ष जालिंदर कटरे, ज्येष्ठ नागरिक संघटनेचे सल्लागार अरविंद चांडवले, आदींनी आपले मनोगत व्यक्त केले.
यावेळी ग्रामस्थांच्या वतीने तसेच माजी सरपंच मोहन पडळकर, हैबतराव पावणे, डॉ. वाघमोडे आदि मान्यवरांनी स्वप्निल वाघमोडे यांचा निवडीबद्दल सत्कार केला.
बालाजी वाघमोडे यांनी कार्यक्रमाचे प्रास्ताविक केले. नवनाथ वलेकर यांनी कार्यक्रमाचे सूत्रसंचालन केले. वाघमोडे यांनी आभार मानले.
यावेळी बोलताना विवेक चव्हाण व स्वप्निल वाघमोडे यांनी स्पर्धा परीक्षेमध्ये यशस्वी होण्याचे नवोदित तरुणांना प्रोत्साहन देऊन मार्गदर्शन केले.खरसुंडी,मिटकी येथे स्वप्निल वाघमोडे यांचे भव्य मिरवणूक काढण्यात आली.
स्वप्नील इंजिनिअरिंगचे शिक्षण घेत असतानाच त्याच्या दोन्ही बहिणींचा मृत्यू झाला. त्या संदर्भात बोलताना त्याचा कंठ दाटून आला होता. त्यामुळे काही क्षण तेथे भावनिक वातावरण तयार झाले. तीन वर्षांपूर्वी मिटकी गावामध्ये डॉ. बाबासाहेब आंबेडकर जयंती निमित्त प्रा.बालाजी वाघमोडे आणि ग्रामस्थांनी ज्ञान दिवस साजरा केला होता. त्या कार्यक्रमातून ऊर्जा घेऊन स्वप्नीलने स्पर्धा परीक्षा देण्याचा विचार केला. शेजारच्या बनपुरी गावातील शहीद विष्णू पुकळे आणि गजानन राजमाने यांच्या कार्याने मिटकी गाव भारावले होते. त्यात स्वप्नीलच्या या यशामुळे मिटकी गावातील ग्रामस्थ गट तट विसरून पुढे आले आणि सगळ्यांनी एकत्रित येऊन स्वप्निलचा सत्कार केला. यावेळी आज,माजी सरपंच, उपसरपंच या बरोबरच महिलांचा सहभाग लक्षणीय होता. या सत्कारामुळे गावामध्ये तरूण मुलांसाठी प्रेरणादायी वातावरण तयार झाले आहे. मिटकी बरोबरच खरसुंडी येथील सिद्धनाथ देवस्थान ट्रस्टनेही स्वप्नीलचा सत्कार केला.
